‘Pawchha Paw’ châbu palâhâhna

Mara reih ta ropa Châbu – “Mara Literature khizaw liata Ei Kuzo – PAWCHHA PAW” – St. L. Beimokhai ta aropa cha MADC, Forest Hall liata Puhpa RT. Zachono, Hon’ble CEM, MADC Khichhai laipa ta palâhâna ahnei. He palâhâhna programme he Puhpa K. Vanlalliana, DCEO, MADC ta chhihtha ta,Rev. B. Beilua ta pasyupalina pha kawpa hnei ta, thlahchhana a hmâh.

Thlahchhâna a hnei khai tawhta Ls. J. Ruby ta “Hnôh-la daihti” tahpa hla, St. L Beimokhai ta aphipa chata zawpi maniah ei ta, eima nah lôhrâ a tlô ngâsâ. Chatawhta Pihno K.Pari Art and Culture Officer ta marapa châbu apua hluh via lymâpa vâta alyna bie rei ta,bie nata hla apahâpa eima thyutliapazy ta mara châbu roh via lyma awpata pasyuna bie a reih.Aroh thai leipazy chhao ta chabu arohruhpazy pasyupali náwpata nata tha pathyu náwpa ta chalei ta, rei hoh awpa ta a pasyu hra ei. He châbu he Art and Culture Dept. MADC ry liata Publication Board ta chhuhna hryuna zydua tawhta 75% sôh abao.

St. Robert B.Syuhlô ta Châbu sai chhieliena hnei ta, he khai tawhta Hon’ble CEM Puhpa R.T. Zachono ta Châbu palâhâhna a hnei pazao, biereina chyupa chhao hnei ta,

St. Abie Nôtlia ta Châbu zuana nata khokheina hlâna hneipa ta, daihti ahmâh pazao.

Puhpa Henry PL. Hnaihly ta chhôkha lâ tawhta alynabie reina a hnei khai tawhta Mara Literature Board liata Assistant Secretary Machâ MC. Pabei ta thlahchhâna hnei pata Programme he dawh 1:50Pm pachhâpa achâ.

He Châbu he Chhaih 6 lâ ta pachhaihpa châta, tho 171 apha. Bu khata Rs.150/- ta zuapa a châ.

MADC Publication Board heta 2013-14 chhôh heta châbu bu 10 daihmâ tlai avaw papua ha,papua awpa ta chhuh ngâhaipa chhao ahnei, mara history zy, mara phôhpazy nata ahropa chhao ama hmia eima hmô daihmâpa achâ. Mara chi nata pho aboh náwpa ta châ ropa lâ he tiama via lyma su vy.