ART & CULTURE DEPARTMENT, MARA AUTONOMOUS DISTRICT COUNCIL: SIAHA
Mara râh cha Mara beizy biehneina ry liata y ta, abeizy cha ta khi kha tlyma, a hluh via tlyma a vao ei ta, âmo paso pakâ awpa ta Machâ tlyma Khyhby tlyma ama hnei hra. Târi noh 1.4. 1955 pata abei ryureina cha India sawkhâ ta “ The Lushai Hills (Acquisition of Chief’s Right) Act, 1955” hmâpa ta avaw pachhâsa. India independence a hmô hlâ ta Autonomous District Council eih hrâhpa hiana châzy nôpawp’enawh ta pangia ei ta, ei hluhpi amâ chadai pazi tawhta târi noh 23 . 4. 1953 liata ta Pawi-Lakher Regional Council cha “The Sixth Schedule to the Constitution of India” hmâpa ta eima hmô. Chatawhta târi noh 1.4. 1972 liata Regional Council sathô-Mara Autonomous Regional Council, Pawi/Lai Autonomous Regional Council nata Chakma Autonomous Regional Council cha “The North-Eastern Re-Organisation Act” hmâpa ta pachhaihpa a cha heih. Târi noh 29. 4. 1972 liata Mara Autonomous District Council cha eima vaw hmôpa a châ.
Mara Autonomous District Council Office cha District Headquarters khihpi Siaha liata y ta, Mara Autonomous District Council ry liata Department nano nanopa sâhrawhhleicharie (18) y ta, cha hryh ta Art & Culture Department he Department peimawh kawpa sâkha a cha. A thaona liata cha he Department he uasa hlao lei kaw ta, atahma tawh deikua cha bâ bâhta ta pachâ peimawhpa akaw châ laih ha bâ.
ART & CULTURE DEPARTMENT
Târi noh 25.7.1984 tawhta târi 31.3. 1991 taihta Historical Research Officer mohôhna ry liata vaw sie ta, kô 1991 April tawhta deikua cha Art & Culture Officer mohôhna ry liata a y lyma. A ry liata palâsapa hawhta Department a vaw mohôhpa Officer zy cha ama châ.
Historical Research Officer a vaw cha hapa zy cha:-
1) N. Beikhai, BA. 25/7/1984 – 14/3/1985
2) Pachi Hlychho, MA (Hist) 22/4/1986 – 31/3/1991
Art & Culture Officer a vaw cha hapa zy:-
1) Pachi Hlychho, MA (Hist) – 1/4/1991 – 06.03.2000
2) James Sangchin, BA – 7.3.2000 – 30.07.2001
3) Pachi Hlychho, MA (Hist) – 30.7.2001 – 19.05.2004
4) James Sangchin, BA – 20.5.2001 – 27.08.2008
5) K. Pari, BA – 27.8.2008 –
Art & Culture Department ry liata Officer & Staff ahria ngâhaipa zy:
1) K. Pari, A&CO.
2) H.C Beikhai, Research Officer.
3) K. Ngiachhie, Asst/H.A.
4) FC. Thama, Asst Curator.
5) V. Chozah, UDC.
6) B. Zaeli, UDC.
7) K. Lalnunnemi, LDC.
8) S. Phietha, LDC.
10. John B.Khaimeichhô, Computer Operator.
11. KT. Dena, Computer Operator.
12. A. Chhualai, Cultural Instructor.
13. Z. Vachyu, Cultural Instructor.
14. FC. Zakhai, Cultural Instructor.
15. LH. Vabei, Dak Runner.
16. K. Samuela, Peon.
17. C. Ngiatu, Peon.
Art & Culture Department ta a mohôhpa nahta hmah ala ngâhaipazy cha:-
1) Museum: He Museum liata Marapa hmobaoh, nochareih khihsana liata hmâpa zy, atobina nata hmosôhpa thokha zy sopa châ ta, Museum phapa eima hnei mâh leipa vâta hmo hluhpi pakhy pazi thai’pa châ mâh leipa ta, atahma no cha hmobaoh eima hnei chhôhpa chhao Art & Culture Office ry chaipa liata tlâ paso chypa a cha. Nôpawpa zy ta Museum he thlai miah pachâpa thei ei sala tahpa eima kho kaw.
2) Chabu: Marapa Chi nata Pho thatih bâhta chhao a hlaona rona chabu hawhpa rai rai cha pakhy pazi lymapa châ ta, cha hawhta Mara thatih (History) chabu zy chhao vaw papua hapa châta, a tahma cha khazie rakha ma chabu chhao la pakhypa a cha ha hra.
Marapa Chi nata Pho thatih nata Mara Literature lâ chhâh hmah asie thei n’awpa ta chabu papuana lâ chhâh hmah thata la a chhuah ta, chavâta rairuna y leipa ta chabu a rotuhpazy chhao ta ama roh thei n’awpata dah (Rules) zy chhao taopa châ ta, kô 2013 tawhta hma pathaopa a châ ha hra. He dâh he‘The Mara Autonomous District Council (Publication Board) Rules,2012’ a cha.
Art &Culture Department he ta Research Methodology Training zy chhao a pie hra. Ary liata chabu zy he Marapa thatih rona chabu eima la pakhy theipa nata Art and Culture Department ta sôh lâ ta abaopa châbu a papuapazy châ ta, a ki leipa hluhpi y ta, Art & Culture Department ta la pakhy lyma ta, chabu arohtuhpenaw la baona pie ta, chabu chhao papua lyma awpa â chhuah.
3) Mara chy nata atobina: Marapa zy heta atobina chysia nata hmobaoh eima hneipazy la pakhyna nata a thatih rona hmahlana chhao hnei ngâpa châ ta, MCHP siepahlie pata poh nano nanopazy chhao la pakhy pata,sa pathi ngâhaipa a cha. Mara chy nata atobina chi nano nanopa paki leipa hluhpi chhao a y aw, cha liata zawpi zy nama baona angiah hmeiseih pi ta, paso-pakâna chhao Art & Culture Department ta a ngiah hmeisei
4) Marapa hla nata lâ:Mara lâ nata hlazy he la pakhy lyma pa châta , alâ zy chhao a bieta alâpa thâtih hnei thlâh hapa he âdaih tah leipa pi ta,khi to liata pachupa châ lyma ta, school to lia chhaota lâ nano nanopa school hatinah pachupa a cha lyma.
(ACHIEVE) HMO PAROPA NATA RECORD
Archives he sawkha nata Private hmo record / document peimawhpa paso phapa he châ ta,apeimawhtuhpazy asaohiah thei awpa nata rei thei awpata mohôhpa he a cha. Anodeikua cha hmoparohpa nata châ peimawh pasopa he eima paoh lei kaw. He châ peimawhpazy he vaw paso pha lyma sihla, myla hano ta document peimawh kawpa, asaohiah awpa a cha no ta Archive he eima hnei pha vei kaw.
MADC Art & Culture Dept. ta a hneipa zy he a chyhta châ ta, dâhphi miah apapai vei kaw. Ary liata list eima palasapazy he châ ta, myla hâno la châ parohpa nata hmo peimawh kawpa zy Dept/mopakhata tly ma ahnei khiatala Art & Culture Dept. âvaotuhpa lâ hlâ theipa châ lyma sala , eima thyutliapa research ataopazy nata mara chi nata pho châta chhao hmo phahnai ngasapa a châ aw.
